الأربعاء، 29 سبتمبر 2010

أنا مش عارف اتغير .. أنا عاوز أتغير .. _(* خطوات عملية للتغيير *)_

السلام عليكم و رحمة الله و بركاته

معلهش الموضوع طويل حبتين فلازم تركز و انت بتقرأ و هتستفيد ان شاء الله

أنا عاوز أتغير و انت عاوز تتغير و كلنا عاوز نتغير


دة أكيد لأن مفيش حد فينا كامل و الكل يحاول الوصول للأفضل
لكن البعض يضل طريقه للتغيير مرات و مرات حتى ييأس فكيف نتغير بصدق ؟

أولا : لماذا نتغير ؟

انت عاوز تتغير بس عمرك سألت نفسك أتغير ليه ؟
ممكن أسباب كتير بس عاوزين منها :

انك انت السبب في اللي بيحصل دلوقتي !!!!

ايوة ممكن تكون انت وحدك السبب في تأخرنا و استهتار الغيرنا بنا و رجوعنا للوراء " متقولش أنا كدة كويس "

سيدنا موسى تأخر النصر عنه ذات مرة فدعا الله فأوحى الله إليه أن هناك رجلا من قومك يعصيني منذ أربعين سنة " و كان هو سبب تأخر النصر " و كان الله يستره

فلما أخبر موسى عليه السلام قومه بهذا تاب هذا الرجل إلى الله و أوحى الله إلى موسى أنه قد تاب
فقال يا رب من هو ؟ قال الله : سترته و هو يعصيني فأفضحه و هو قد تاب ؟


الشاهد من القصة إن رجل واحد فقط بسبب ذنبه تأخر النصر عن أمة كاملة

قال الله تعالى : " إن تنصروا الله ينصركم "

نصرت دين ربنا و نصرت رسوله ؟ نصرتهم في نفسك قبل كل شيء ؟

عرفت بقى ان ممكن أنا أو انت أو انتِ السبب في تأخير النصر

بس دة انا فيه غيري بيعمل كدة كتير ؟ فيه غيري بيسمع أغاني كتير و فيه بنات غيري لابسة وحش كتير ؟

لو بدأت بنفسك و غيرت و غيرك بدأ بنفسه كلنا هنتغير و كلنا هنكون أفضل بإذن الله

سبب كمان مهم جدا انت ضامن عمرك ؟



انت تضمن انك تتوب قبل الموت ؟

انت تضمن هتموت امتى ؟
افترض ملك الموت دخل عليك حالا ؟ هتكون مستعد ؟

توب حالا

دلوقتي كلنا عاوزين نتغير ..... ازاي نتغير ؟؟

قبل ما نكمل ياريت تحملوا الدرس الراااائع دة

أنا مش عارف اتغير " الشيخ هاني حلمي "

http://www.manhag.net/droos/details.php?file=244

اول ما تخلص قراءة الموضوع اسمع الدرس مهم جدا جدا


ثانيا : خطوات التغيير :
( 1 ) الإخلاص لله و صدق اللجوء إليه
انت عاوز تتغير ليه علشان ربنا أمرك تسيب المعاصي و لا علشان مالكش نفس ؟ و لا علشان واحد صاحبك مبيحبكش تعمل كدة ؟ و لا خايف من الفضيحة ؟

اخلص النية لله قبل كل شيء .... يا رب أنا هتغير علشانك يا رب
ادعو الله في سجودك و كل أحوالك يا رب أعني على التوبة يا رب أنا عاوز أتوب علشانك يا رب

يا رب انا ناوي من كل قلبي اني اتوب أعني على التوبة يا رب
قال رسول الله صلى الله عليه و سلم : " إنما الأعمال بالنيات و إنما لكل امريء ما نوى فمن كانت هجرته إلى الله و رسوله فهجرته إلى الله و رسوله و من كانت هجرته لدنيا يصيبها أو إمرأة ينكحها فهجرته إلى ما هاجر إليه "
أخلص نيتك لله تؤجر عليها

( 2 ) التـــــــوبـــــــة :
هنتوب لربنا من كل حاجة بتغضبه و ربنا هييسر لنا كل أمورنا
كل حاجة كل حاجة تغضب ربنا هنتوب منها حالا و بدون تردد علشان عاوزين نرضي ربنا

شروط التوبة :

1 - الاخلاص " و اتكلمنا عليه "
2 -الإقلاع عن الذنب فورا " حالا مفيش حاجة اسمها كمان ساعة مفيش لما اكبر او لما اتجوز مفيش لما اشوف وظيفة الاول ...... من دلوقتي حالا هتوب لربنا و مش هرجع للذنب تاني "
3 - العزم على عدم العودة إلى الذنب " مش ناوي اتوب بصورة مؤقتة علشان انجح او غيره و بعدها ارجع للذنب لكن ناوي أتوب نهائيا من الذنب "
4 - أن يكون في زمن التوبة " قبل الغرغرة التي تسبق الموت و قبل طلوع الشمس من مغربها "
5 - الندم على ما فات من المعاصي " متبقاش فرحان انككنت بتعصي ربنا لكن كل ما تفتكر المعصية اجتهد انك تعمل حسنات أكتر تغطي على المعصية دي و اندم عليها "
6 - التخلص من حقوق العباد " لو سرقت واحد ارجعله فلوسه و اغتبت واحد استسمحه و هكذا "

( 3 ) خليك شجاع و خد قرارك

دي الخطوة اللي كتير مبيعرفش يتخطاها و بتصعب عليه
خد قرارك الشجاع قبل فوات الأوان
أبو طالب عم النبي صلى الله عليهو سلم في القصة المعروفة لما النبي صلى الله عليه و سلم طلب منه ان ينطق الشهادتين قبل أن يموت مباشرة لكن أبو طالب استمع لكلام ابي جهل عندما قال له أترغب عن ملة عبد المطلب ؟ فكان آخر ما قال هو على ملة عبد المطلب

خد قراره و مات كافر
خد قراره غلط في الوقت اللي مينفعش فيه قرار غلط ابدا

و كانت فرصته الأخيرة

انت مستني انك تيجي فرصتك الأخيرة و متعرفش تاخد قرار ؟ و انتي مستنية انك تقابلي ربنا و انت مخدتيش قرار بالتوبة ؟

خد قرارك و انتصر على نفسك حالا و متترددش

ايه اللي معطلك عن القرار الشجاع ؟ قول يا رب انا هتوب من كل الذنوب و خدت قراري اني مش هرجع تاني ابدا و ادعو ربنا يعينك
السجاير مش عاوز تسيبها ليه ؟ لو سيبتها هيحصلك ايه ؟ و لا حاجة بس انت بتوهم نفسك
الأغاني هيحصلك ايه لو سبتها ؟ و لا حاجة و الهدوم الضيقة دي هيحصلك ايه لو جبتي بدالها هدوم ينطبق عليها اسم حجاب شرعي و تسترك ؟ هيحصللك كل خير

خد قرارك و كن شجاعا


وممكن تشوف الدرسو دي هتيفدك جدا جدا ان شاء الله في الموضوع

أنا كدة كويس " الشيخ حازم شومان " http://www.way2allah.com/modules.php...ab&op=Detailes

مستني ايه " الشيخ حازم شومان "

http://www.way2allah.com/modules.php...tailes&khid=99

مستنية ايه " الشيخ حازم شومان "

http://www.way2allah.com/modules.php...tailes&khid=93


( 4 ) الصحبة الصالحة :
سيب أصحاب السوء اللي كانوا بيسبوك تعمل المعصية و محدش ينصحك
سيبي صديقات السوء اللي كانوا بيختاروا معاكِ الهدوك\م اللي تفتن الشباب بداعي الموضة

خد قرارك و انتصر على نفسك قبل الفرصة الأخيرة

استبدلهم بأصحاب يدلوك على فعل الخير
أصحاب يدلوك لو عملت حاجة غلط و ينصحوك لو تأخرت عن الطاعة

لازم من الرفيق الصالح
و كما يقال : " الرفيق قبل الطريق "


( 5 ) استبدل

يعني ايه ؟
المكان اللي كنت بتعصي ربنا فيه و بيفكرك بالمعصية

اعمل طاعات لله فيه
بتعصي ربنا اما الكمبيوتر اقعد امام الكمبيوتر و اقرأ 3 أجزاء قرآن و ارغم نفسك على كدة
بتسمع أغاني على الكاسيت و في العربية استبدلهم بقرآن و خطب و دروس تعينك على طريقك

و اصحابك قلنا هتستبدلهم برفقة صالحة
متخليش حاجة و لا شخص يفكرك بالمعصية

( 6 ) محطات الشحن و الوقود

ايه اللي جابها هنا دي بقى ؟
عربية و لا محمول دة بقى ؟
لا دي بتشحن القلوب بالإيمانيات
مينفعش واحد يسافر 100000 كيلو و يمشى في طريق مفيهوش محطات وقود

أكيد مش هيكمل طريقه و هيرجع

فانت لازم تشحن قلبك بدرس اسبوعي تحضره بنفسك على الاقل و مقاطع وعظ و تحث على التوبة و دروس تزيد من ايمانك طول الاسبوع

و الا فممكن ترجع في أي لحظة



( 7 ) حــــــــــــدد هــــــدفـــــك :


هدفك الأكبر ايه ؟ انك تنجح في الامتحان و تتخرج ؟ انك تتزوج ؟ انك تلاقي وظيفة عالية و مرموقة و مرتبها عالي ؟

و لا هدفك هو الهدف النهائي ؟ هدفك الجنة و لا غيرها ؟

مبقولش نبعد عن الدنيا كلها لكن نخلي الدنيا وسيلة توصلنا للجنة

الدنيا دار فناء و كلها شوية و ننتقل لدار أخرى

و الدار الأخرى تتحدد على حسب عملك في الدنيا

ناوي على ايه ؟ هدفك إيه ؟

( 8 ) إياك و التسويف :




الموت ميعرفش صغير و لا كبير

الموت ممكن يجيلنا في أي لحظة و أكيد انت سمعت عن فلان اللي مات في العشرينات و فلان اللي مات و هو بيعدي الطريق و فلان و فلان

مستني دورك ؟

قال رسول الله صلى الله عليه و سلم : " من مات على شيء بعث عليه " عاوز تبعث يوم القيامة على ايه ؟

عاوز تبعث و السيجارة في ايدك ؟ و لا تبعث و انت بتتفرج على حرام ؟ و لا تبعثي و انتي لابسة هدوم ضيقة تفتن الشباب ؟

و لا عاوز تبعث على ايه بالظبط ؟

( 9 ) سلب النعم :




مش خايف ان ربنا وهب لك بصرك و بتعصيه به إنه يسلبك نعمة البصر ؟

مش خايف و انت بتدخن ان ربنا يبتليك بسببه بسرطان رئة ؟

مش خايفي و انتي متبرجة شوية شلل في أعصاب الوجه يخلوك تغطي وجهك طول عمرك

مش خايف ان ربنا يسلب منك النعمة اللي انت بتعصيه بها و هو وهبهالك ؟

هو دة شكر النعم ؟ ان ربنا وهبك نعمة تقوم تعصيه بها ؟

الحق نفسك حالا

( 10 ) رتب :




رتب أولوياتك عاوز تتغير من ايه ؟

و ايه الاولويات ؟

عاوز تتغير من التدخين و عاوز تصلي الفجر و عاوز تغض بصرك و........

الشيخ هاني حلمي بيقول في الدرس الرااااائع " مش عارف اتغير " و ياريت نكون حملناه كلنا :

رغبة + معرفة + ممارسة + استمرار = تغيير

اسطوانة رااااائعة شاملة للموضوع " أنا لازم أتغير "

http://forums.way2allah.com/showthre...C7%CA%DB%ED%D1



نفسي أتوب
http://www.manhag.net/droos/details.php?file=71


لو كان فيه تفاعل ممكن نكمل سلسلة ان شاء الله

جزاكم الله خيرا و عذرا للاطالة



السبت، 3 أبريل 2010

ورقة و قلم الجزء الثاني

السلام عليكم و رحمة الله و بركاته

فاكرين المرة اللي فاتت لما قولنا عاوزين ورقة و قلم او حتى ملف نوت باد و سألنا كام سؤال ؟؟؟؟

ياترى جاوبتوا عليهم ؟
متنسوش ان احنا اتفقنا نحاول نجاوب على الأسئلة دي كل يوم و نشوف مدى قربنا لربنا

و عاوزين دلوقتي ورقة و قلم كمان و سؤال واحد بس معانا النهاردة
بس سؤال محتاج تركيز


بس ياريت محدش يتكبر على الكلام و اقرأوه للآخر و يمكن دي تكون بداية تغيير

هو احنا عارفين ان احنا هنموت ؟

بالفعل كلنا عارفين

و عارفين اننا ممكن نموت في أي لحظة

طيب ايه السبب اللي بيخلينا نعصي ربنا و احنا ممكن نموت في لحظة العصيان دي ؟؟؟

و ليه دايما نصر على اننا نعصي ربنا ؟

و مضيعين حقوق ربنا ليه ؟

انا بجد عاوز اجابة مقنعة

انا الاجابة اللي متصورها ان السبب ان مفيش تصور
مفيش تصور " تخيل " للجنة و لا للنار

اللي بيعصي ربنا دة يا اما ميعرفش ان نار جهنم اكبر من اكبر نار في الدنيا بسبعين مرة
يا اما مش متصور و مش عاوز يصدق
اللي بيعصي ربنا دة يا اما ميعرفش ان غمسة واحدة في النار هتخلي انعم أهل الدنيا ينسى كل النعيم اللي شافه
و ان غمسة واحدة في الجنة هتخلي اشقى اهل الدنيا ينسى كل الشقاء اللي شافه
يا اما ميعرفش كدة يا اما الشيطان بيضحك عليه و بيصور له الامور هينة

هيقول ربنا غفور رحيم

فعلا ربنا غفور رحيم بس ليه متقراش الاية كلها ؟

قال تعالى : " غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لَا إِلَهَ إِلَّا هُوَ إِلَيْهِ الْمَصِيرُ "

شديد العقاب ذي الطول
و انت مؤمن ان ربك سميع بصير و لا لا ؟

قال تعالى : " لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ "

طيب يعني ايه انك مؤمن بكدة ؟

يعني انت مؤمن بإن ربنا شايف كل حاجة انت بتعملها
و سامع كل حاجة انت بتقولها

مطلع على كل اعمالك و اقوالك

صح كدة ؟

طيب لو قلتلك ان والدك قالك متمشيش مع صاحبك فلان دة تاني
و انت بتحب والدك جدا و هيعاقبك كمان لو مشيت مع صاحبك دة
و انت عارف انه مش عاوز غير مصلحتك

لو انت عارف كل دة عن والدك

هل هتفكر تمشي مع صاحبك دة ؟ على الاقل و والدك شايفك ؟

طيب لو انت بتحب ربنا و عارف كويس ان ربنا لا يريد لك إلا الخير
كل أمر و نهي لربنا فيه حكمة و فيه مصلحتك
و لو خالفت أمره و نهيه اولا هيكون فيه ضرر ليك أكيد
ثانيا ممكن يعاقبك
ثالثا ممكن يغضب عليك
ازاي تعصي ربنا و انت عارف انه شايف كل حركاتك و سكناتك

انت متصور يعني ايه يغضب عليك ؟؟؟؟
انت تستحمل نظرة غضب من ربك ؟؟؟؟ !!!!!


بعد كل دة ليه مصّر تعصي ربنا ؟؟
ليه مصّر انك متصليش الصلوات الخمس ؟
ليه مش عاوز تغض بصرك عن الحرام ؟
ليه مش عاوز تبطل تسمع أغاني و انت عارف انها حرام ؟
ليه مش عاوز تبطل تدخين ؟

انت عارف نعم ربنا عليك ؟ كام نعمة ؟
اكيد طبعا متقدرش تعدها
طيب مش خايف و انت مبتغضش بصرك عن الحرام ان ربنا يسلبك نعمة البصر ؟
مش خايف و انت بتسمع الاغاني و هي حرام طالما فيها موسيقى ان ربنا يسلبك نعمة السمع ؟
ممش خايفة الي بتلبس حاجات تغضب ربنا ان ربنا يبتليها بشلل نصفي او رباعي ؟؟؟؟
مش خايفة يجيلها شلل بسيط في اعصاب الوجه تخليه تغطي وشها غصب عنها ؟
مش خايف يجيلك شلل و رجليك تبطل تتحرك علشان متمشيش للحرام ؟

انت لم بتشوف واحد اعمى او عنده شلل بتستعيذ بربنا انك تبقى مثل حالته
طيب ليه متشكرش نعم ربنا عليك ؟

و غير كدة
مش انت بتحب ربنا ؟

ليه سايب غيرك يعصيه ؟ اقل حاجة تعملها انك تأمره بالمعروف و تنهاه عن المنكر

قال رسول الله صلى الله عليه و سلم : "من رأى منكرا فليغيره بيده فإن لم يستطع فبلسانه فإن لم يستطع فبقلبه و ذلك أضعف الإيمان " رواه مسلم

و قال رسول الله صلى الله عليه و سلم : " والذي نفسي بيده لتأمرن بالمعروف ولتنهون عن المنكر أو ليوشكن الله يبعث عليكم عذابا منه ثم تدعونه فلا يستجيب لكم "

يا ترى احنا بنعمل اللي علينا

الكلام دة موجه لي شخصيا قبل أي حد تاني

احنا ليه لسة بنعصي ربنا
ايه السبب ؟

ايه السبب بعد دة كله انك تعصي ربنا ؟

ايه اللي يستاهل انك تخلي ربنا يغضب عليك أو يسلبك نعمة من نعمه ؟

ايه اللي يستاهل ؟

متنسوش اجابة السؤال الاصلي

ايه السبب ؟

الحق نفسك و توب لربنا بسرعة

اتمنى مكونش طولت عليكم المرة دي

جزاكم الله خيرا

سلام عليكم




الخميس، 25 مارس 2010

ورقة و قلم بسرعة لو سمحت و ادخل

بسسسسست يا كابتن كابتييييييين ايوة انت ثواني لو سمحت

و انتي كمان يا انسة لو سمحتي

يا حاجة ايوة اتفضلي معانا انتي و الحاج برضه

يا ريس يا ريت لو تشاركنا

و انت كمان عاوزينك ثواني معانا

السلام عليكم و رحمة الله و بركاته


الموضوع ببساطة كدة

عاوزين ورقة وقلم من كل اللي قلنالهم ييجوا هنا

انت و هو و هي و الحاج و الحاجة و الناس كلها اللي معانا

أو على الأقل ملف وورد أو نوت باد و خليك مركز

جبتهم خلاص ؟

طيب خليهم معاك بقى علشان احنا مش عاوزينهم لينا

احنا عاوزينهم ليك انت






استعد بقى

عاوزينكم تجاوبوا معانا على سؤال كدة عالماشي يعني

هو احنا بصراحة يعني كدة عملنا ايه في حياتنا ؟

هو انا ليه ؟

هو دة السؤال بس يا ترى أقصد بيه ايه ؟

هو انا ليه ؟ ايوة انا علشان ايه ؟ و أنا عملت ايه ؟

ببساطة كدة قال الله تعالى : " وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ (56) " الذاريات

ياريت نشوف تفسير الآية دي في كتب التفسير " هنتعبكم شوية معلهش "

و ببساطة انت مخلوق لسبب واحد بس هو عبادة ربنا وحده لا شريك له

و تعرف ايه هي العبادة ؟

تعريف العبادة: اسم جامع لكل ما يحبه الله و يرضاه من الأفعال الظاهرة و الباطنة

ايوة كدة كويس جدا

طيب هل أنا عملت اللي أنا مخلوق علشانه ؟

تخيل كدة ان واحد يوم القيامة و واقف يتحاسب و بعدين ملائكة العذاب أخذوه على النار يصرخ فيهم و يقولهم سيبوني أنا معملتش حاجة

تقوله ايه :؟

قوله ما هو فعلا علشان كدة

علشان انت معملتش حاجة كويسة

معملتش حسنات معملتش حساب للحساب دة

مبصيتش لمستقبلك في الآخرة

طيب و انت بقى هل مستعد تكون زي حالاته كدة ؟

و مستني اللحظة دي ؟

طيب اقولك حاجة تانية

تصور تاني : عارف قصة اصحاب الغار ؟

الثلاثة اللي اتقفل عليهم الغار

معلهش بس هنقول قصتهم علشان اللي مش عارفها


عن عبد الله بن عمر رضي الله عنهما عن النبي صلى الله عليه وسلم قال :

" بينما ثلاثة نفر يمشون أخذهم المطر فأووا إلى غار في جبل فانحطت على فم غارهم صخرة من الجبل فانطبقت عليهم فقال بعضهم لبعض انظروا أعمالا عملتموها صالحة لله فادعوا الله بها لعله يفرجها عنكم قال أحدهم اللهم إنه كان لي والدان شيخان كبيران ولي صبية صغار كنت أرعى عليهم فإذا رحت عليهم حلبت فبدأت بوالدي أسقيهما قبل بني وإني استأخرت ذات يوم فلم آت حتى أمسيت فوجدتهما ناما فحلبت كما كنت أحلب فقمت عند رءوسهما أكره أن أوقظهما وأكره أن أسقي الصبية والصبية يتضاغون عند قدمي حتى طلع الفجر فإن كنت تعلم أني فعلته ابتغاء وجهك فافرج لنا فرجة نرى منها السماء ففرج الله فرأوا السماء وقال الآخر اللهم إنها كانت لي بنت عم أحببتها كأشد ما يحب الرجال النساء فطلبت منها فأبت علي حتى أتيتها بمائة دينار فبغيت حتى جمعتها فلما وقعت بين رجليها قالت يا عبد الله اتق الله ولا تفتح الخاتم إلا بحقه فقمت فإن كنت تعلم أني فعلته ابتغاء وجهك فافرج عنا فرجة ففرج وقال الثالث اللهم إني استأجرت أجيرا بفرق أرز فلما قضى عمله قال أعطني حقي فعرضت عليه فرغب عنه!
فلم أزل أزرعه حتى جمعت منه بقرا وراعيها فجاءني فقال اتق الله فقلت اذهب إلى ذلك البقر ورعاتها فخذ فقال اتق الله ولا تستهزئ بي فقلت إني لا أستهزئ بك فخذ فأخذه فإن كنت تعلم أني فعلت ذلك ابتغاء وجهك فافرج ما بقي ففرج الله
وفي رواية فخرجوا يمشون " متفق عليه واللفظ للبخاري

كانوا ثلاثة و كل ما واحد يدعو بالعمل الصالح اللي عمله نفرج جزء من الصخرة لحد ما الثلاثة دعوا فانفرجت الصخرة تماما و خرجوا

الورقة و القلم لسة معاك صح ؟

اكتب بقى الأسئلة الجاية دي في الورقة يا ريس و جاوب عليها :

1 – لماذا خلقني الله ؟

2 – ماذا قدمت لدين الله ؟

3 – ماذا لو كنت الرابع " لو انت الرابع بتاع اصحاب الغار و خروجهم متوقف على انك تدعو الله بعمل صالح علشان تخرجوا " كنت هتلاقي موقف تدعو ربنا بيه ؟

افتراضا اجابتك وحشة النهاردة عن الأسئلة دي

يبقى لازم تتغير النهاردة

و هتجيب ورقة و قلم بكرة و تسأل نفسك نفس الأسئلة

لأنك متعرفش هتتعرض لموقف اصحاب الغار امتى ؟ و متعرفش هتموت امتى ؟

انا ممكن أموت حالا و ممكن بعد دقيقة او اتنين او عشرة او ساعة او ساعتين

بس احنا ليه بنفترض دايما الافتراض ان الموت لسة بدري عليه ؟

كان أحد السلف يضع ورقة في جيبه و يقرأها ما بين الحين و الآخر و كان المكتوب فيها : " أحسن عملك فقد دنا أجلك "

هي دي الناس اللي عاشنها صح

ناس مستعدة للموت في أي لحظة

يبعث المرء على ما مات عليه

علشان كدة لازم الواحد فينا يكون كل همه يموت على عمل صالح و دة مش هيكون بالتسويف و اني اقول هابقى كويس لما اكبر او لما اتجوز او... او ...

متنسوش تكتبوا و تجاوبوا على الأسئلة

و لينا عودة مرة تانية ان شاء الله مع ورقة و قلم برضه

الخميس، 12 نوفمبر 2009

عاجل جدا لكل جماهير المتخبين قبل المباراة

كيفكوا يا شباب عاملين ايه ؟


ها إيه أخر أخبار الماتش معاكوا تعالوا نشوف مصري ومصراوي ايه أخبار الماتش معاهم .. وبعدين نكلم كلامنا .. محدش يمشى



مصري : السلام عليكم .. ازيك يا مصراوي عامل ايه ؟؟



مصراوي : الحمد لله .. أخبارك ؟



مصري : زي الجمهورية ......



مصراوي : أقعد .. عطلنى بهزارك ده خلينى ما ألحقش أروح



مصري : بالراحة علينا شوية.. تروح فين بس ؟



مصراوي : أروح أجيب تذكرة المطش ... يسسسسسس هنقطعهم يا مصررررررررررري



مصري : هنقطع مين يا عم انت عايش الدور ليه كده ؟



مصراوي : الوقتي تشوف إما قطعناهم



مصري : يا بنى وطي صوتك بلاش فضايح



مصراوي : فضايح ليه .. أنا بقول إيه ؟



مصري : يعني لو حد سمعك وإنت بتقول هقطع أخويا محمد مش تبقى فضايح ؟



مصراوي : بعد الشر وأنا أقول كده ليه !!



مصري : أديك إنت اللي قولت أهو مش الجزائري المسلم ده يبقى أخوك ؟



مصراوي : قصدك إيه بقى ؟



مصري : قصدي نتناقش مع بعض شوية .. دلوقتي إحنا مكبرين الموضوع كده ليه ؟
ايه لازمة ده كله ،، المباراة الفاصلة وعزة مصر ومش عارف ايه .. إيه اللي دخل ده كله فى عِزة مصر يعنى؟



مصراوي : مهو إحنا لو خسرنا المطش ده مش هندخل كأس العالم .. إن شاء الله



مصري : وإيه المشكلة برده إننا ما ندخلش كأس العالم .. مش قضية يعني



مصراوي : مش قضية إزاى !!! ده أنا أعمل حداد لو مدخلناش



مصرى : يا بنى حداد إيه بس هو احنا كنا عملنا حداد لما الرسول ( صلى الله عليه وسلم ) رُسمت فى حقه الرسوم المسيئة ..؟؟؟
ولا كنا عملنا حداد لما أطفال غزة ماتوا .. ؟؟؟
ولا كنا عملنا حداد لما العراق أُحتل .. ؟؟؟
ولا كنا عملنا حداد لما الصينين دبحوا في إخواتنا المسلمين فى كردستان ..؟؟؟
ولا .. ولا



مصراوي : ايه الكلام الكبير أوي ده



نكمل بقى كلامنا


السلام عليكم و رحمة الله و بركاته



الحمد لله و الصلاة و السلام على رسول الله صلى الله عليه وسلم و بعد :




إلى كل جماهير المنتخبين المصري و الجزائري تعليمات مهمة قبل المباراة




يا ريت حضراتكم تركزوا معانا كويس جدا في الكلام التالي :




بس لازم قبل التعليمات وصف سريع للوضع الحالي للجماهير و هو كالتالي :




كراهية و عداء شديد بين جماهير المنتخبين


كل متعصب من مشجعي فريق يسبون و يلعنون الفريق الآخر و يتمنون لو أن الأرض انشقت و بلعتهم
وصلت الأحداث إلى حد شتم الجماهير للجماهير الأخرى ب : يا أولاد كذا
ترقب للمباراة المصيرية التي هي حياة أو موت لكلا الفريقين
كل بلد بتحرق علم البلد التانية
استعداد الجماهير لحرب بعد المباراة


وصلت إلى درجة أن امرأة مصرية متزوجة من جزائري تترك منزله بسبب المباراة



و الكل يريد أن يعرف من الفاااااااااااااااائز ؟




أكيد الفائز معروف طبعا




و كل الأحداث دي بتدل على كدة




الفائز هو طبعا : أعداء الدين " اليهود و غيرهم "




أيوة فعلا محدش فينا هيفوز لكن الفريقين هيخسروا كل حاجة كدة




الكلام مش واضح ؟؟؟؟




نوضح شوية




بس يا ريت محدش يرد على الموضوع إلا لما يقرأه كله و استحملوا شوية




دلوقتي ايه اللي بيجمع بين المصريين و الجزائريين ؟؟؟؟




شعبين مسلمين صح ؟




مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟




أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟




قبل ما نبدأ




فعلا الكسبان الوحيد أعداء الدين لأنه لما بيشغلنا عن ديننا احنا المسلمين




يقدر يعمل اللي هو عاوزه




نبدأ نشرح واحدة واحدة




المصريين و الجزائريين شعبين مسلمين


ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟


بغض النظر مين اللي بدأ



لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا


إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟


شوفوا الرسول قال ايه عن التفرقة بينهم ؟؟








لازم نتحد يا مسلمين طالما متفقين على كلمة " لا إله إلا الله " يبقى لازم نتحد




أي مسلم لازم يكون في حياته كلها شغال بالولاء و البراء




طبعا فيه سؤال :




يعني إيه الولاء و البراء ؟؟؟؟؟




ببساطة :


الولاء : إني أحب و أنصر الله و رسوله و الإسلام و المسلمين


و كل من زاد قربه من الله بالطاعة يزيد ولائي له و أحبه أكتر



و البراء عكسه




يعني ببساطة المسلم لازم يحب أخوه المسلم لمجرد إنه مسلم




طيب لو المسلم دة بيطيع ربنا ؟؟؟؟ يبقى لازم أحبه أكثر




يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين




قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "




المفسرون بيقولوا معناها : دينكم دين واحد

اللي بيربطنا كلنا ببعض هو الدين مش حاجة تانية

الأخوة في الله :

الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا

برضه نقولها تاني : " المسلمين إخوة أكتر من الأخوة من الأب و الأم "









و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه

شوفتم الحب في الله عظيم إزاي و ثوابه كبير ازاي ؟

ليه نشتم بعض و بالشتايم دي كلها ؟

ليه المسلمين يكرهوا بعض ؟ و علشان ايه ؟؟؟؟؟

انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد

فما بالك لما تشتم بلد أكبر ................ هتيجي يوم القيامة تلاقي سيئات كتير

تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات

هل دة يفرحك ؟؟؟

ليه نشتم بعض و نخلي اليهود يشمتوا فينا هم و كل أعداء الدين ؟

ليه كل دة ؟

شوف رسولنا الكريم بيقول إيه ؟ " صلى الله عليه و سلم " :






لأنه مسلم فكل دة حرام عليا ناحيته مينفعش اشتمه و لا اضربه و لا اسرقه

كل دة علشان ماتش كورة ؟؟؟؟ و هنستفيد ايه ؟؟

قبل ما تجاوبوا و تزعلوا من كلامي كملوا للآخر

ماتش الكورة هيدخلنا كاس العالم صح ؟؟

و هنكسب ايه لو دخلنا كاس العالم ؟

لالالالا

هنكسب ايه لو طلعنا النهائي و كسبنا كاس العالم ؟

هنروح الجنة أكيد ؟

هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟



احنا طبعا عاوزين نكسب بس يعني ايه نكسب ؟؟؟؟؟

تعالوا نشوف كده





و الخسارة يعني ايه ؟؟؟؟





تعالوا نشوف :









المصريين و الجزائريين و السعوديين و الليبيين مسلمين

يعني إخوة

مش أعداء

و عمر المسلمين ما هيكونوا أعداء بسبب لعبة يا جماعة








عاوز أقول حاجة أخيرة قبل ما نخلص

فاكرين ماتش الأهلي و ريال مدريد ؟؟؟؟

أكيد فاكرينه طيب شوف المقطع الجميل ده



من هــــــــنــــــــــا






أو هـــــــــنــــــــــا


و كمان بالمرة أكيد فاكرين ماتش نهائي كأس الأمم بين مصر و الكاميرون




شوفوا طيب دة




من هـــــــنــــــــا






أو هــــــــنـــــــــــا







كلمة أخيرة

إحنا فين من ديننا ؟

نصرنا ديننا ؟ خدمنا ديننا زي ما خدمنا الكورة ؟

ليه مش مهتمين بديننا يا شباب ؟؟؟

الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي

يا ريت نرجع لديننا يا جماعة و بسرعة في أقرب وقت

و يا ترى نسينا إخواننا المسلمين المستضعفين في كل مكان في الأرض

فلسطين و العراق و أفغانستان و الشيشان و الصين و غيرهم

نسيناهم ؟؟؟؟
شكرا لأنكم سمعتوني للآخر



يلا يا جماعة نلغى التعصب وياريت اللى كان ناوى على حاجة بلاش .. أرجووووووووووووك بلاش





ونزيل شعار .. أنا مصري .. أنا جزائري





טּטּטּ ونرفع شعار أنا مسلم טּטּטּ













والسلام عليكم

الأحد، 11 أكتوبر 2009

اسطوانة وا أقصاه سارع بالنشر لنصرة دين الله


السلام عليكم و رحمة الله و بركاته

بسم الله

الحمد لله والصلاة والسلام على رسول الله صلى الله عليه وسلم وبعد :

إسطوانة وا أقصاه

مقدمة إليكم من موقع الطريق إلى الله
ساهموا في نشرها



هذه إسطوانة وا أقصاه تم إعدادها لتبين الحقائق حول المسجد الأقصى والقدس وأهمية هذه القضية عند المسلمين مستشهدين بدروس صوتية لعدد كبير من علماء أهل السنة ( كالشيوخ / محمد اسماعيل المقدم و محمد حسان و مسعد أنور ... وغيرهم كثير )

محتويات الإسطوانة :

تحتوي الإسطوانة على أكثر من 1201 ملف منوع بين صوتي ومرئي وعروض تقديمية وأفلام وثائقيه وأناشيد وصور .

أقسام الإسطوانة :

1) التاريخ يتكلم :

تعريف بتاريخ القضية وبحقيقة وتاريخ الصراع مع اليهود موثقا بمعلومات تاريخية هامة

من المحتويات :
- تاريخ القدس - محمد المقدم
- صراعنا مع اليهود - محمد موسى الشريف
- ودروس ومواد أخرى

2 ) اعرف عدوك :

تعريف بحقيقة العدو الذي نواجهه في قضية القدس فمعرفة العدو هي أول خطوات النصر إن شاء الله .

من المحتويات :
- الإرهاب الصهيوني - محمد حسان
- الجريمة الجديدة لليهود - محمد صالح المنجد
- ودروس أخرى

3) نداء من الأقصى :

نداء لكل مسلم هيا وسارع لنصرة الدين

من المحتويات :
- الأقصى الأسير - محمد حسان
- القدس تنادينا - أيمن سامي
- نداء من الأقصى - محمود المصري
- ودروس أخرى

4) من للأقصى اليوم :

هيا خذ مكانك في نصرة الدين لا تقف موقف المشاهد مما يحدث للأقصى اليوم

من المحتويات :
- يا قدس هذا زمان الليل فاصطبري- محمد حسان
- عذراً فلسطين ... فالأمة مشغولة - نبيل العوضي
- القدس قضية الأمة - علي عمر بادحدح
- ودروس أخرى

5) بشريات النصر :

النصر قريب وهو وعد الله للمؤمنين ولكن علينا جميعا بالأخذ بأسباب النصر

من المحتويات :
- مبشرات النصر - مسعد أنور
- بشريات النصر الكبرى - محمود المصري
- ودروس أخرى

6) مكتبة الأقصى :

مجموعة كبيرة من الصور والمرئيات والأناشيد والفلاشات عن القدس والأقصى



حجم الإسطوانة :

بعد التحميل وفك الضغط 665 ميجا

تم رفعها مقسمه إلى أربع أقسام حجم كل جزء 200 ميجا وحجم الجزء الأخير 47 ميجا

بعد التحميل قم بفك الضغط باستخدام اي برنامج لفك الضغط ( ملحوظة يجب قبل فك الضغط وضع كل الملفات في فولدر واحد لضمان عمل الإسطوانة بشكل سليم إن شاء الله )

ملحوظة : مقدمة الإسطوانة تعمل بواسطة برنامج الفلاش لمن ليس لديه نسخة من البرنامج يقوم بتحميلها من هنا



روابط التحميل : ( يمكنك تحميل جزء من أحد السيرفرات واكمال الاجزاء من أى سيرفر آخر )

أولا : روابط موقع الرابيد شير
الجزء الأول
اضغط هنا

الجزء الثاني
اضغط هنا

الجزء الثالث
اضغط هنا


الجزء الرابع
اضغط هنا


ثانيا : روابط موقع الهوت فايل
الجزء الأول
اضغط هنا

الجزء الثاني
اضغط هنا

الجزء الثالث
اضغط هنا

الجزء الرابع
اضغط هنا

ثالثا : روابط موقع الديبوزيت فايل
الجزء الأول
اضغط هنا

الجزء الثاني
اضغط هنا

الجزء الثالث
اضغط هنا

الجزء الرابع
اضغط هنا


رابعا : روابط موقع دك لوود
الجزء الأول
اضغط هنا

الجزء الثاني
اضغط هنا

الجزء الثالث
اضغط هنا

الجزء الرابع
اضغط هنا


(( الموضوع كامل بصيغة الأكواد للنشر في المنتديات التي لا تدعم إضافة الصور كصور والكلمات ملونة وهكذا
للتحميل
اضغط هنـــــــــــــــا ))


غلاف الإسطوانة :
للتحميل اضغط هنــــا